Այս տարի տեղի ունեցավ նշանակալի իրադարձություն մեր ճամփորդության մեջ․ լրացավ Kantar հյուրանոցի ստեղծման 15-ամյակը։ Այս հիշարժան երեկոն համախմբեց հյուրերի, թիմակիցների և գործընկերների մեր համայնքը՝ նշելու հատուկ առիթը:
Երեկոն սկսվեց հյուրասիրությամբ։ Մթնոլորտը միաժամանակ ընկերական էր և պրոֆեսիոնալ՝ միավորելով հին ու նոր աշխատակիցներին ընդհանուր տոնակատարության միջավայրում և ծնելով նոր կապեր: Հյուրասիրությունից հետո հետհայացք նետեցինք հյուրանոցի պատմությանը՝ ընդգծելով հիմնադրման օրվանից մինչև այսօր ստեղծված համայնքը, որին հաջորդեց մրցանակների և նվերների բաշխումն իրենց բացառիկ ներդրումն ունեցած թիմակիցներին։
Աշխատակիցները կիսվեցին Kantar-ի հետ իրենց պատմություններով, իսկ հյուրանոցի համահիմնադիր Արմեն Ֆրանգուլյանն իր խոսքում շեշտեց համայնքի և հյուրերի կենսական դերը: Հաճելի անակնկալների շարքում էին նաև գործընկերների և հյուրերի կողմից աշխարհի տարբեր անկյուններից ուղարկված շնորհավորական տեսաուղերձները:
Միջոցառման կարևոր մաս էր կազմում կտավի հատուկ անկյունը, որտեղ հյուրերը կարող էին գրել բարեմաղթանքներ կամ այն, թե ինչ է Kantar-ը նշանակում իրենց համար՝ ստեղծելով մնայուն հիշողություն, որը խորհրդանշում է տարիների ընթացքում ստեղծված համայնքի ուժեղ զգացումը:
Բոլոր այցելուները միջոցառումը լքեցին ժպիտով, իսկ միջոցառման արդյունքում ամրապնդվեց կապի խորը զգացումը Kantar–ում: Այդ երեկոն բոլորիս հիշեցրեց, որ Kantar-ն ավելին է, քան պարզապես շինություն. Kantar–ի հիմքում իր հյուրերն ու թիմակիցներն են:
Ամփոփելով անցած 15 տարիները, մենք լի ենք երախտագիտությամբ և հույսով դեպի ապագան: Հրավիրում ենք ձեզ դառնալ մեր ճանապարհորդության մի մասը․ անկախ նրանից՝ դուք Kantar-ի նախկին հյուրերից եք, թե ապագա, մենք գրկաբաց ողջունում ենք ձեզ։